للبيع او مطلوب قطع الغيار تيوتا 86

[ksacam]

السلام عليكم ورحمة الله وبركاته

اولاً احب اقولكم كل عام وانتم بخير بعد الزحمه وانا عضو جديد معكم

ثانياً
صراحه انا مو شاطر في المقدمات لذلك بدخل في الزبده
عندي تيوتا 86 موديلها 2013 لونها احمر فل كامل
السياره ماشية 20 الف

قدر الله وسوا اخوي حادث والحمد لله طلع بسلامه لكن السياره تضررت وجهيتها وانا صراحه عارضها للبيع
قطع الغيار كثير الي احتاجها لاني بديت اصلح السياره

فما اعرف اذا فيه مكان ثاني احصل قطع الغيار فيه للسياره ارخص وهل تتوقعون بالتشليح موجود لاني رحت تشليح الحاير بالرياض متر متر ماحصلتها

هذا مقطع السياره وترا عارضها للبيع حتى اثناء تصليحها
قبل التصليح السومه وصلت 60

واي استفسارات انا حاظر

[Naif Bin Nair]

الله يعوضك خير ان شاء الله

[مجنون الكراون]

للاسف السياره ما انتشرت مره فما اتوقع تلاقي فالتشاليح عندك الوكاله ومنيف النهدي دور فيهم والله يعينك

[ksacam]

اخوي منيف النهدي هذا وين احصله وهل هو ارخص من الوكاله؟؟

[مجنون الكراون]

النهدي ارخص شوي من الوكاله فالرياض بصراحه ما اعرف اماكنه لكن لو تسأل احد عنه بيدلوك معروف

[ksacam]

رحت كل المحلات ومنها النهدي اليوم
للاسف مو متوفره الا بالوكاله من جده طلبيه للرياض تاخذ ٣ ايام
لكن يبيلها فلوس تكلف ٢٥ الف تقريبا لكن بنتظر لين احصل كمان